რა უნდა გვახსოვდეს სავაჭრო სტრატეგიებთან დაკავშირებით:
- არ არსებობს “წმინდა გრაალი” ანუ სტრატეგია რომელიც მუდამ იგებს, იგებს მზარდი რაოდენობით და უსასრულოდ.
- თუ წავაწყდით სავაჭრო სტრატეგიას, გვახსოვდეს რომ, აბსოლუტურად მომგებიან და გამართულ სავაჭრო სტრატეგიას ხელისგულზე არავინ დაგვიდებდა.
- ის რომ სტრატეგია მუშაობს სხვასთან (ან სხვა ამბობს, რომ, სტრატეგია მასთან მუშაობს), არ ნიშნავს რომ სტრატეგია თქვენთანაც ანალოგიურად იმუშავებს.
- როცა მითითებულია სავაჭრო სტრატეგიისთვის რეკომენდირებული დროითი ინტერვალები, ეს ნიშნავს, რომ სხვა დროით ინტერვალებზე სტრატეგია გამოცდილი არ არის, ან გამოცდილია და ცუდ შედეგებს იძლევა.
- საიტის ადმინისტრაციის მიერ განთავსებული სტრატეგიები შერჩეულია ხარისხის, გამოხმაურებების რაოდენობის, სიმარტივის, ან სხვა ნიშნით. არ არის აუცილებელი, რომ ყველა მათგანი შემოწმებული და გამოცდილი იყოს საიტის ადმინისტრაციის მიერ.
- ერთი და იგივე სტრატეგიას ტესტირებას უკეთებს უამრავი ადამიანი. უბრალო ალბათობაზე დაყრდნობითაც შეიძლება იმის თქმა, რომ მათ შორის აღმოჩნდება იღბლიანიც, რომელიც წარმატებას მიაღწევენ. ეს სულაც არ ნიშნავს, რომ სტრატეგია აუცილებლად მომგებიანია. ამიტომ, კრიტიკულად უნდა მოვეკიდოთ მონაყოლ ამბებს სტრატეგიის მომგებიანობის შესახებ. ყოველგვარი ტყუილის გარეშე მონაყოლმა, შეიძლება მცდარ დასკვნებამდე მიგვიყვანოს.
- თუ სტრატეგია მუშაობს დღეს, მუშაობდა გუშინ, არ ნიშნავს რომ იმუშავებს ხვალ, იმიტომ რომ გარემო პირობები ბაზარზე ყოველდღიურად იცვლება.
- კარგი სავაჭრო სტრატეგია არის ის რომელსაც უფრო ნაკლები წაგება მოაქვს და არა ის რომელსაც უფრო მეტი მოგება მოაქვს.
ჩამოთვლილის გათვალისწინებით, აუცილებელია ნებისმიერი სავაჭრო სტრატეგიის გამოცდა დემო ანგარიშზე, ან სპეციალურ სტრატეგიის ტესტერზე, და მხოლოდ ამის შემდეგ გამოყენება რეალურ მუშაობაში.
პასუხისთვის შეგიძლიათ გამოიყენოთ RSS 2.0
კარგია