პირველი რაც შემიძლია გითხრა, ის არის, რომ პანაცეასავით ნუ ელოდები რომ რომელიმე ანალიზის სწავლა რამეს ბევრს მოგიტანს შემოსავლის თვალსაზრისით.
ამ ყველაფრის კურსებით მიღება შეუძლებელია, ჩემი აზრით კი არც უნდა სცადოს ადამიანმა. რადგან იგივე ინფორმაცია, ერთი უცხო ენა თუ მაინც იცი, ინტერნეტში გავსებულია. რაღაზე უნდა გადაყარო ფული და დრო კურსებზე და მისნაირებზე სიარულში. კურსებზე მიიღებ იმ მშრალ მასალას რომელსაც მერე ისევ ინტერნეტიდან მიღებული ცოდნით ჭირდება გამყარება. ასევე ჭირდება გამყარება გრაფიკის მუდმივი "ყურებით".

ფასის მოძრაობის ხასიათი და ბაზრის ქცევა ნელ ნელა ხდება შენთვის ახლო, შინაური და გასაგები, აღარ გეჩვენება აბსოლუტურად ქაოტური, პოულობ კავშირს ამ ქცევასა და გარე ფაქტორებს შორის. ეს ყველაფერი ისე ნელნელა მოდის რომ ამასობაში ინფორმაციის დაგროვებასაც ახერხებ. ამას ვერც ერთი კურსი ვერ გააკეთებს.

რომელიმე საგანში ან სფეროში, რომელშიც ყველაზე ძლიერად თვლი თავს, შეაფასე, აბა, შეიძლებოდა რამდენიმე გაკვეთილიანი კურსით მიგეღო ის ცოდნა რომელიც გაქვს ამ სფეროში.

ფორექსზე კიდევ ერთერთი წამყვანი მომენტია ფსიქოლოგია, შინაგანი რწმენა, ინტუიცია, საკუთარი თავის მართვის უნარი, დისციპლინა და ასე შემდეგ. გჯერა რომ რომელიმე კურსებმა შეიძლება ეს მოგცეს?

კითხვა არ უნდა დაგეზაროს, უნდა დაიჯერო და დიდხანს დემო ანგარიშზე უნდა იმუშაო და დამიჯერე თავისით მოვა ის ცოდნა რომელსას შეიძლება ახალა ძალიან რთულად თვლი.

პირველად რომ დავიწყე ამ სფეროში, მეგონა სულ ოროსანი ვიქნებოდი და სხვა ყველა ხუთოსანი იყო. ახლა კი ვხედავ რომ აქ ნიშნები არ არსებობს, რადგან ორი ადამიანის ცოდნას აქ ერთმანეთს ვერ შეადარებ. შეიძლება ორი ეკონომიკის სპეციალისტის ცოდნა შეადარო ერთმანეთს, მაგრამ ორი ტრეიდერის ცოდნას ნამდვილად ვერ შეადარებ ერთმანეთს, რადგან ცოდნაზე წინ სხვა ფაქტორები დგას.

დემო ანგარიშზე დიდხანს ვაჭრობა, აუცილებელი მარცხი რომელიც გელოდება ამ დემო ანგარიშზე, თვითონ მოგთხოვს იმას, თუ რა ისწავლო და როგორ.