ინდიკატორები სავაჭრო ტერმინალში

ძნელი წარმოსადგენია ფორექსზე მუშაობა და ბაზრის ანალიზი ინდიკატორების გარეშე.
ზოგადად ინდიკატორი არის ნებისმიერი სტატისტიკური ინფორმაცია ბაზრის შესახებ, რომელიც შემდეგ შეიძლება წარმოდგენილი იყოს გარფიკის, ცხრილის ან სხვა ჩვენთვის ხელსაყრელი სახით. ინდიკატორი შეიძლება იყოს ძალიან მარტივი ინფორმაციაც და რთული მონაცემების ბაზებიც, რომელთა დამუშავებაც სპეციალური პროგრამით ხდება. ადვილი გასაგები რომ იყოს, უმარტივეს ინდიკატორად შეიძლება ჩაითვალოს, მაგალითად, სხვადასხვა სავაჭრო სესიების დაწყება დამთავრების დრო. თუ ჩვენ ვხედავთ რომ ამერიკული სესიის მიმდინარეობის დროს ვალუტის წყვილებს, როგორც წესი, ახასიათებს დიდი რყევა და აქტიური ვაჭრობა, ხოლო იაპონური სესიის დროს პირიქით მდორე ცვლილება, ეს უკვე თავისებური ინდიკატორია. თუ გრაფიკზე ამერიკული სესიის დაწყებას და დამთავრებას შორის ინტერვალს გავაფერადებთ ერთ ფერში, ხოლო იაპონური სესიის დაწყებას და დამთავრებას შორის ინტერვალს მეორე ფერში, შეგვიძლია ვთქვათ რომ გრაფიკზე დავიტანეთ ჩვენი მარტივი ინდიკატორი. ეს გრაფიკი უკვე განსხვავდება ანალიზის საშუალებით, იმ გრაფიკისგან, რაც მანამდე გვქონდა. რათქმაუნდა ეს მცირე ინფორმაციის მატარებელი ინდიკატორია, ინტერნეტ სივრცე სავსეა უფრო მეტი მნიშვნელოვანი ინფორმაციის მატარებელი ინდიკატორებით. ყველა ეს ინდიკატორი გვეხმარება გარკვეული კანონზომიერების ჩარჩოში მოვაქციოთ, ზემოთ და ქვემოთ, ფასების უთავბოლო ხეტიალი, და ამ ჩვენს მიერ აღმოჩენილი კანონზომიერების საფუძველზე შევეცადოთ, დავადგინოთ ფასების მომავალი მოძრაობის მიმართულება.

შეიძლება გამოვიყენოთ ის ინდიკატორი რომელიც უფრო ახლოს არის ჩვენს ინტუიციასთან და შეხედულებებთან. არავითარი შეზღუდვა ან რეკომენდაცია არ არსებობს. მთავარია, ინდიკატორი ან ინდიკატორები, რომლებსაც ვიყენებთ, ჩვენ გვაკმაყოფილებდეს. შეფასების კრიტერიუმი კი, მარტივია – ჩვენი დეპოზიტის ზომა. თუ დეპოზიტი გვეზრდება, ე.ი. ინდიკატორები ჩვენთვის შესაფერისია, ჩვენ გვაწყობს და არავითარი მნიშვნელობა არ აქვს, მოსწონს თუ არა სხვებს ეს ინდიკატორები.

ასევე, შესაძლებელია ჩვენ თვითონ შევქმნათ ინდიკატორები იმ დაკვირვების შედეგებზე და გამოცდილებაზე დაყრდნობით, რომლებიც ჩვენ დაგვიგროვდა. ყველა აქამდე არსებული ინდიკატორიც ასევე არის შექმნილი ამ სფეროში მომუშავე ხალხის მიერ, და შემდეგ თავისუფალ მოხმარებაში გაშვებული.

სავაჭრო ტერმინალ მეტატრეიდერში 30-მდე ინდიკატორია. ეს ინდიკატორები პირობითად იყოფა ოთხ ჯგუფად: ტრენდის ინდიკატორები, ოსცილატორები, სატრენდო და ოსცილატორი ინდიკატორები (ანუ როივე თვისების მატარებელი) და მეოთხე –მოცულობის ინდიკატორები. ტრენდის ინდიკატორები ცდილობს ფასის მოძრაობასთან სინქრონულად, ან დაგვიანებნით, გამოიცნოს ფასის ზემოთ ან ქვემოთ თანამიმდევრული მოძრაობის ანუ ტრენდის არსებობა და მისი შემობრუნების მომენტი. ოსცილატორები ცდილობს ბაზრის მოძრაობის ტენდენციის შემობრუნების მომენტის დადგენას სინქრონულად ან დაგვიანებნით. მესამე კატეგორიას ახასიათებს აქამდე ნახსენები ორივე თვისება. მეოთხე, მოცულობის ინდიკატორები აანალიზებს ბაზარზე შესული გარიგებების რაოდენობას, ანუ ის არ ითვალისწინებს უშუალოდ ფასს, არამედ ასახავს ინფორმაციას ბაზრის აქტიურობის შესახებ. ამ აქტირუობის და ფასის ცვლილების დინამიკის შეჯერებით შემდეგ მსჯელობენ ბაზრის განწყობაზე, დათვები მძლავრობენ თუ ხარები.

ცხრილში მოყვანილია ზოგადი ინფორმაცია მეტატრეიდერის კომპლექტში შემავალი ინდიკატორების შესახებ:

ინდიკატორის დასახელება	აღნიშვნა	ტიპი	ფანჯარა მთავარი/ ცალკე	შეთავსება მთავარი/ ცალკე	რეგულირებადი პერიოდი/დაძვრა	MA	დონეები
Acceleration/ Deceleration Oscillator აჩქარება/ შენელების ოსცილატორი	AC	ოსც/ ტრენდ	ცალკე	+/-	-/-	–	+
Accumulation/ Distribution აკუმულირება/ დისტრიბუცია	A/D	მოცულ	ცალკე	+/-	-/-	–	+
Alligator ალიგატორი	Alligator	ოსც/ ტრენდ	მთავარი	-/+	+/+	+	–
Average Directional Movement Index მიმართული მოძრაობის საშუალო ინდექსი	ADX	ტრენდ	ცალკე	+/-	+/-	–	+
Average True Range საშუალო ნამდვილი დიაპაზონი	ATR	ოსც	ცალკე	+/-	+/-	–	+
Awesome Oscillator ძალის ინდიკატორი	AO	ოსც/ ტრენდ	ცალკე	+/-	-/-	–	+
Bears Power დათვების ძალის ინდიკატორი	Bears	ოსც	ცალკე	+/-	+/-	–	+
Bollinger Bands ბოლინჯერის ხაზები	BB	ტრენდ	მთავარი	+/+	+/+	–	+
Bulls Power ხარების ძალის ინდიკატორი	Bulls	ოსც	ცალკე	+/-	+/-	–	+
Commodity Channel Index სასაქონლო არხის ინდექსი	CCI	ტრენდ	ცალკე	+/+	+/-	–	+
DeMarker დემარკერი	DeM	ოსც	ცალკე	+/-	+/-	–	+
Envelopes კონვერტი	Env	ოსც	მთავარი	+/+	+/+	+	+
Force Index ძალის ინდექსი	FRC	ოსც	ცალკე	+/-	+/-	+	+
Fractals ფრაქტალები	Fractals	ოსც/ ტრენდ	მთავარი	-/+	-/-	–	–
Gator Oscillator ვილიამსის გატორ ოსცილატორი	Gator	ოსც/ ტრენდ	ცალკე	+/-	+/+	+	+
Ichimoku Kinko Hyo ინდიკატორი იშიმოკუ	Ishimoku	ოსც	მთავარი	-/+	+/-	–	–
Market Facilitation Index ბაზრის შემსუბუქების ინდიკატორი	BW MFI	ოსც/ ტრენდ	ცალკე	+/-	-/-	–	+
Momentum ინდიკატორი მომენტუმი	Momen tum	ოსც	ცალკე	+/+	+/-	–	+
Money Flow Index თანხების ნაკადის ინდექსი	MFI	მოცულ	ცალკე	+/-	+/-	–	+
Moving Average მცოცავი საშუალო	MA	ტრენდ	მთავარი	+/+	+/+	+	+
Moving Average Convergence/ Divergence მცოცავი საშუალოების კონვერგენცია/ დივერგენცია	MACD	ოსც	ცალკე	+/-	+/-	–	+
Moving Average of Oscillator ოსცილატორის საშუალო მცოცავი	OsMA	ოსც	ცალკე	+/-	+/-	–	+
On Balance Volume საბალანსო მოცულობის ინდიკატორი	OBV	მოცულ	ცალკე	+/-	-/-	–	+
Parabolic SAR პარაბოლური სისტემა SAR	Parabolic	ტრენდ	მთავარი	-/+	+/-	–	–
Relative Strength Index ფარდობითი ძალის ინდიკატორი	RSI	ოსც	ცალკე	+/+	+/-	–	+
Relative Vigor Index ფარდობითი მხნეობის ინდიკატორი	RVI	ოსც	ცალკე	+/-	+/-	–	+
Standard Deviation სტანდარტული დევიაცია	StdDev	ტრენდ	ცალკე	+/+	+/+	+	+
Stochastic Oscillator სტოქასტიკის ოსცილატორი	Stochastic	ოსც	ცალკე	+/-	+/+	+	+
Volumes მოცულობები	Volumes	მოცულ	ცალკე	+/-	-/-	–	+
Williams’ Percent Range ვილიამსის პროცენტული დიაპაზონი	%R	ოსც	ცალკე	+/-	+/-	–	+

აღნიშვნები:
სვეტი “ინდიკატორის ტიპი”:
       • ოსც – ოსცილატორი ;
       • ტრენდ – ტრენდის ინდიკატორი;
       • ოსც/ტრენდ – სატრენდო და ოსცილატორი ინდიკატორი;
       • მოცულ – მოცულობის ინდიკატორი;
სვეტი “ფანჯარა – მთავარი/ცალკე”:
    • მთავარი – ინდიკატორის განთავსება ხდება მთავარ ფანჯარაში;
     • ცალკე – ინდიკატორის განთავსება ხდება ცალკე ქვეფანჯარაში;
სვეტი “შეთავსება – მთავარი/ცალკე”, შესაძლებელია ინდიკატორის მიერთება გრაფიკზე უკვე განთავსებული ინდიკატორის ფანჯარაში:
      • მთავარი – მთავარ ფანჯარაში;
      • ცალკე –ცალკე ქვეფანჯარაში;
სვეტი “რეგულირებადი პერიოდი/დაძვრა”, შესაძლებელია ინდიკატორის პარამეტრის შეცვლით:
      • პერიოდი – ინდიკატორის პერიოდის შეცვლა;
      • დაძვრა – ინდიკატორის დაძვრა გრაფიკის მიმართ;
სვეტი “МА”, შესაძლებელია ინდიკატორის პარამეტრის შეცვლით მცოცავი საშუალოს ტიპის არჩევა (მარტივი, ექსპონენციალური თუ შეწონილი მცოცავი საშუალო).